جامعة الخرطوم الجميلة المستحيلة كلية العلوم الرياضية

بسم الله الرحمان الرحيم 

اولا تعريف بكليتنا كلية العلوم الرياضية جامع الخرطوم بالانجليزي school of math 

بها اقسام عديدة 

1-رياضيات 

2-رياضيات-حاسوب 

3-حاسوب بيور

4-احصاء-حاسوب 

5-احصاء بيور

6-تقانة المعلومات 

طبعا بنقراء اول تلاتة سنة مع بعض والسنة الرابعة بنتخصص .

انا اسمي علاء الدين الحسن علي طالب في كلية العلوم الرياضية قسم رياضيات حاسوب انا كان رغبتي اخش جامعة الخرطوم والحمد لله اتحقت المشكلة في كليتنا انها ما معروف ومعظم الناس ما بعرفوها .ومافي  في الانترنت صفحات كتير بتحكي لينا عنها بس هي كلية سمحة شديد .

تجربتي : انا خطة تجارب جميلة فيها واتعرفت علي اصحاب زي العسل واكتر وعمرنا ما حفترق وبرضو خبرات واتعرفتا علي ناس قدامنا وماعاملوني علي اني برلوم بل علي اني واحد منهم واكتر وحتي اني استفتة منهم كتير 

المحاضرين:ناس كويس وبعاملونا احسن معاملة .

القاعات :مكيفة وكبيرة شديد  .

اللابات :كويسة شديد وحواسيبها تمام وكويسة .

المكتبة:بالرغم من انها صغيرة الانها سمحة ومكيفة وفيها قسم خاص بالانترنت مجاني علي فكرة تجيب حاسوبك وتشتغل .

فيها اي مراجع محتاجها واي شيتات بتكون فيها كل العليك تكلم مشرف المكتبة  وفيها مكان تخت فيهو حقيبتك  لانو ممنوع تخش بيها تشيل كتابك والحاجة البتهمك وتختها وفيها برضو خيزانات اذا عندك حاجة داير تحفظها .

طيب معظم الناس بتتسال انحنا بنقرء شنو لانو اسمها ماواضح(كلية العلوم الرياضية)

انحنا بنقرا البرمجة والحواسيب وكل ما يتعلق بالحاسوب .

وشكر اتمنا اي زول اكتب قصتو في تعليق عشان كلنا نستفيد .